من أكثر الحاجات إلى ما تخليش الإنسان يوصل يحقق أحلاموا هي الzone de confort (منطقة الراحة).

منطقة الراحة هي حالة نفسية تخليك تحس أنك مسيطر على الوضع و هذا يخليك تحد من التوتر والقلق و الخوف من الفشل و الغموض. المشكل أنو منطقة الراحة تحد من ميلك لخوض تجارب جديدة، تطوير نفسك، أنك تصنع التغيير على مستوى عالي وتمنحك رؤية محدودة للعالم من حولك.

منطقة الراحة تنجم تتمثل في مكان، وظيفة و أي وضعية أخرى في الحياة.

كانك طموح و إذا ما نجمتش تحقق أهدافك بالحاجات إلي تعمل فيهم حاليا، راك عمرك ماك بش تحققهم كان تكمل هكا، لازمك تعمل حاجات جدد و هذا يعني أنك تخرج من Zone de confort و تمشي لل zone de peur (منطقة الخوف) ثم الzone d'apprentissage (منطقة التعلم) ثم الzone de grandeur (منطقة الرفعة).

حاول تخرج تدريجيا من Zone de confort و ما تتقواش على روحك، مثلا حاول كل يوم تعمل حاجة ما كنتش تعملها قبل و طلع في درجة الصعوبة من يوم إلى آخر، حاول تعيش تجارب جديدة، أعمل abstraction من نظرة الناس ليك (مهما تعمل مش الناس الكل بش تحبك و مش الناس الكل بش تكرهك)،

و كون فخور أنك طموح. و كيما يقول نجيب محفوظ : "الخوف لا يمنع من الموت و لكنه يمنع من الحياة.