"سيفاجُئكِ اللهُّ بعوضٌ قريب"

لأسوء هو أن يُعاد الشعور الذي جاهدت طويلاً أن تتجاوزه ، أن يباغتك الموقف مرة أخرى من حيث لا تعلم ، أن تضعف وتنهار بقدر ماكنت ثابتًا وقويًا.

" ﻭَﺃَﻃِﻴﻌُﻮﺍْ ﺍﻟﻠَّﻪَ ﻭَﺭَﺳُﻮﻟَﻪُ ﻭَﻻَ ﺗَﻨَﺎﺯَﻋُﻮﺍْ ﻓَﺘَﻔْﺸَﻠُﻮﺍْ ﻭَﺗَﺬْﻫَﺐَ ﺭِﻳﺤُﻜُﻢْ ﻭَﺍﺻْﺒِﺮُﻭﺍْ ﺇِﻥَّ ﺍﻟﻠَّﻪَ ﻣَﻊَ ﺍﻟﺼَّﺎﺑِﺮِﻳﻦَ "

- قرآن كريم

صبحوا البشر ...
من غير هدوم
طالقين نهودهم ع الملأ
و المني ع الأسفلت
الكون بيتغير
الكون بيتحول لكون انا معرفوش
الناس بقت أشباح
الشمس رافضة تغيب
و الليل كئيب لكننا نحتاج ظلام
علشان يبان النور
الخلق كانوا مُشتتين
كان الجنود
بـ يواسوا بعض من الذعر و الخوف
كان البارود زي الورود
مالهوش في دم
إكمنه مش ممسوك بطين
و انا كنت واقف
و الحياة ماشية
زي اللي ماشي بيخبطه الشيطان ....
فجأة أختفيت
ساد الهدوء الكون
زاد البراح
حطيت سيجارتي فـ علبتي و بكيت
وحدي ..
وروحي طايفة يا آل البيت
طبطب عليا النور ..
سألني : نسيت ؟
عشمان في شَربة ماء من الجنة
صَبّ لِّي قال :
- إشرب
شربت
- إكتب
نزفت
- إكدب ..
لساني يومها ما طاوعنيش
- تاهت خطايا و عنهم ضليت -
- صلي الفروض
قلبي يقول صليت
غسل الخطايا و ضمني
شبيت
و قطفت يومها من النجوم سبعة
الأولى مَزجت لي السما و الأرض
التانية أحيت روحي من تاني
التالتة عدلت بين ميزان الاعمال
الرابعة رُفعت نورت قناديل
الخامسة زادت في فصاحتي القول
السادسة نزفت من عينيها النور
السابعة طافت .. طوفت وياها
مقدرتش اعرف يومها كُنت
انسان
أم كنت طاير و الجناح من نور
فتحت عيني لقيت ظلام بيزول
صوت للشهيد بيقول :
" مولاي صلِ و سلم دائمََا أبدا
على حبيبك خير الخلق كلهم"
بصيت لقيت الكون بيتشكل
طايف مع المجاذيب في حلقة نور
و لقيتني وسط الحضرة و بكبر !
الله أكبر
الله أكبر
الله أكبر
______
الفيوم 14 نوفمبر 2018
#محمود_خليفه